प्रतिकूल मौसमका कारण हवाई उडान प्रभावित, जापानबाट आएको जहाज ओभरसुट
काठमाडौं । प्रतिकूल मौसमका कारण आज दिउँसोदेखि हवाई उडान प्रभावित बनेको छ । टोकियोबाट आएको जहाज ओभरसुट भएको छ ।
काठमाडौंसहित देशका विभिन्न भागमा देखिएको प्रतिकूल मौसमका कारण त्रिभुवन अन्तर्राष्ट्रिय विमानस्थलको आन्तरिकतर्फको उडान प्रभावित भएको छ । सिमरा, पोखरा, विराटनगर र भैरहवा जाने–आउने उडानहरूमा ढिलाइ भइरहेको विमानस्थल कार्यालयले जनाएको छ ।
त्यस्तै, अन्तर्राष्ट्रिय क्षेत्रबाट काठमाडौं आएका केही जहाजहरू पनि आकाशमा होल्डमा रहेका छन् । खराब मौसमका कारण अवतरण र उडान दुवै प्रक्रियामा समस्या देखिएपछि उडान सञ्चालन प्रभावित बनेको हो ।
