उपकार लघुवित्तमा कर्मचारी माग, कति चाहिन्छ योग्यता?
काठमाडौं । उपकार लघुवित्त वित्तीय संस्था लिमिटेडले विभिन्न पदहरूमा कर्मचारी माग गरेको छ। कम्पनीले खुला प्रतियोगितात्मक परीक्षाद्वारा पदपूर्ति गर्ने गरी दरखास्त आह्वान गरेको हो।
कम्पनीले अधिकृत श्रेणीको अधिकृत र कनिष्ठ अधिकृत पदमा तथा सहायक श्रेणीको कनिष्ठ सहायक र प्रशिक्षार्थी कनिष्ठ सहायक पदमा केही संख्यामा कर्मचारी माग गरेको हो।
अधिकृत श्रेणीको दुवै पदमा लागि स्नातक तह उत्तीर्ण गरी बैंक तथा वित्तीय संस्थामा एक तह मुनीको पदमा कम्तीमा २ वर्ष काम गरेको र सहायक श्रेणीको दुवै पदका लागि एसएलसी वा सो सरहको परीक्षा उत्तीर्ण गरी बैंक तथा वित्तीय संस्थामा कम्तीमा छ महीना काम गरेको हुनुपर्छ भने प्रशिक्षार्थी कनिष्ठ सहायकका लागि भने अनुभव नचाहिने कम्पनीले जनाएको छ।
उमेर हदमा अधिकृत श्रेणीका लागि १८ वर्ष पूरा भई ४० वर्ष ननाघेको र सहाायक श्रेणीका लागि १८ वर्ष पूरा भई २५ वर्ष ननाघेको हुनु पर्नेछ। महिलाको हकमा भने माथिल्लो उमेर हदमा ५ वर्ष थप हुनेछ।
इच्छुक व्यक्तिले सूचना प्रकाशित मिति (असार २२ गते) ले १५ दिनभित्र आवाश्यक कागजात सहित इमेल ठेगानामार्फत वा कम्पनीको बेवसाइटको करियरभित्र रहको एप्लाई फर्ममार्फत् आवेदन दिन सक्नेछन्।
