विष्णु पौडेललाई साधारण तारेखमा छाड्ने आदेश
काठमाडौं । विशेष अदालतले पूर्व अर्थमन्त्री विष्णु पौडेललाई साधारण तारेखमा छाड्न आदेश दिएको छ।
सदस्यहरू नारायणप्रसाद पौडेल, डिल्लीरत्न श्रेष्ठ र विदुर कोइरालाको इजलासले तीनवटा आधारका आधारमा पौडेललाई थुनामा राखेर वा धरौटी मागेर मुद्दाको प्रक्रिया अघि बढाउन आवश्यक नरहेको निष्कर्ष निकालेको हो।
अदालतको आदेशसँगै पौडेल अब साधारण तारेखमा बसेर मुद्दाको सामना गर्नेछन्। मुद्दाको थप सुनुवाइ भने अदालतको नियमित प्रक्रियाअनुसार अघि बढ्नेछ।
