एनआइसी र नबिल बैंकमा झुम्मिए लगानीकर्ता, यी हुन् आज सर्वाधिक कारोबार भएका टप १० कम्पनी
काठमाडौं । साताको तेस्रो दिन शेयरबजारमा झिनो अंकको सुधार देखिएको छ । शेयरबजार खुलेको केही समयसम्म घटेको नेप्से सूचक मार्केट बन्द हुनेबेलासम्म १.८५ अंकले बढेर १९५३ विन्दुमा कायम भएको छ ।
नेप्सेमा सुधार देखिएपनि कारोबार भने खासै बढ्न सकेको छैन । आज एक अर्ब १३ करोडमाथिको कारोबार हुँदा सर्वाधिक एनआइसी एशिया बैंकको १० करोड ४८ लाख रुपैयाँमाथिको कारोबार भएको छ ।
त्यस्तै, दोस्रोमा नबिल बैंकको पनि ३ करोड ४४ लाख रुपैयाँमाथिको कारोबार भएको छ । साथै शिवम् सिमेन्ट्सको ३ करोड १६ लाख, हिमालयन डिष्टिलरीको २ करोड ७७ लाख र हिमालयन बैंक लिमिटेडको २ करोड ६१ लाख रुपैयाँमाथिको कारोबार भएको छ ।