नबिल बैंकको कौशलटार शाखा कार्यालय स्थानान्तरण हुँदै, लकरमा सामान राखेका ग्राहकलाई जारी गर्यो यस्तो सूचना
![](https://www.beemapost.com/wp-content/uploads/2023/04/nabil-bank-office.jpg)
काठमाडौं । नबिल बैंक लिमिटेडको भक्तपुर स्थित कौशलटार शाखा स्थानान्तरण हुने भएको छ ।
बैैंकको शाखा कार्यालय हालको स्थानबाट करीब २०० मिटरको दुरीमा स्थानान्तरण हुने भएको छ । स्थानान्तरण पछि नयाँ परिसरबाट असार २४ गतेदेखि कार्य सञ्चालन हुने बैंकले जनाएको छ ।
स्थानान्तरण गर्दा शाखाको लकरमा ग्राहकहरुको टुटफुट हुने सामान भएमा लकर सार्नु अगावै असार २१ गतेसम्म सामान निकाल्न ग्राहकवर्गलाई अनुरोध गरेको छ ।
अन्यथा लकर सार्दा ग्राहकको सामानहरुमा भएको क्षतिमा बैंक जिम्मेबार नहुने समेत जनाएको छ ।