एनआईसी एशिया बैंकद्वारा स्थायी लेखा नम्बर अद्यावधिक गर्न आग्रह
काठमाडौं । एनआईसी एशिया बैंकले ग्राहकहरुलाई खातामा स्थायी लेखा नम्बर अद्यावधिक गर्न आग्रह गरेको छ ।
उक्त बैंकबाट गरिएको करकट्टीको विवरण नेपाल सरकार अर्थ मन्त्रालय, आन्तरिक राजश्व विभागद्वारा जारी गरिएको स्थायी लेखा नम्बर (प्यान कार्ड) प्रणालीमा आवद्ध गर्नुपर्ने भएकाले ग्राहकहरुलाई बैंकको वेबसाइट www.nicasiabank.com वा मोबाइल बैंकिङ एपमा रहेको ‘Pan Update’ मा ट्याब गरी स्थायी लेखा नम्बर अद्यावधिक गर्न आग्रह गरेको हो ।
स्थायी लेखा नम्बर अद्यावधिक भएपछि करकट्टीको विवरण सोही नम्बरमा प्रविष्ट हुने भएकाले आयकरको प्रणलीले स्वचालित रुपमा अनुसूची १० मा करकट्टीको विवरण मिलान गर्ने हुँदा ग्राहकलाई करकट्टीको प्रमाणपत्र र कर चुक्ता प्रमाणपत्र प्राप्त गर्न सहज हुने र बैंक धाउनपर्ने अवस्थाको समेत अन्त्य हुने कुरा सूचनामा उल्लेख गरिएको छ ।
साथै, यसअघि बैंकलाई स्थायी लेखा नम्बर उपलब्ध गराएर पनि करकट्टीको विवरण समावेश नभएको खण्डमा बेंकको नजिकैको शाखामा सम्पर्क गर्न सकिने बैंकले जनाएको छ ।
