नेपाल बैंकले ८ जना ऋणीको सुनचाँदी लिलाम गरी बिक्री गर्दै
![](https://www.beemapost.com/wp-content/uploads/2021/04/nepal-bank.jpg)
काठमाडौं । नेपाल बैंक लिमिटेडले ८ जना ऋणीको धितोमा रहेको सुनचाँदी लिलाम मार्फत बिक्री गर्ने भएको छ ।
नेपाल बैंक लिमिटेडको उल्लेखित शाखाहरुमा सुनचाँदी धितो राखि कर्जा लिएको र म्याद समाप्त भैसकेपछि पनि कर्जा चुक्ता नगरेपछि बैंकले १५ दिनभित्र सम्बन्धित शाखामा सम्पर्क राखि कर्जा चुक्ता गरी धितो सामान लैजान आग्रह गरेको छ ।
यस सूचनामा उल्लेखित म्याद समाप्त भएको भोलिपल्ट देखि धितोमा रहेको सुनचाँदीहरु जेजस्तो अवस्थामा छ सोही अवस्थामा लिलाम मार्फत बिक्री गरिने बैंकले जनाएको छ ।
धितोको सुनचाँदी लिन इच्छुक व्यक्तिले उक्त दिनदेखि सम्बन्धित शाखाहरुमा सम्पर्क राखि आफूले लिनचाहेको मूल्य बोलकबोल गर्न आग्रह गरेको छ ।