नेपाल बैंकले धितो राखेर कर्जाको साँवा ब्याज नतिरिएको सम्पत्ति लिलाम गर्दै
काठमाडौं । नेपाल बैंक लिमिडेटले बैंकमा धितो राखेर कर्जाको साँवा ब्याज नतिरिएको सम्पत्ति लिलाम गर्ने भएको छ ।बैंकले गैरबैंकिङ सम्पत्ति गोप्य सिलबन्दीमार्फत बिक्री गर्न सूचना जारी गरेको हो । बैंकले २१ दिने सूचना प्रकाशित गर्दै यस्तो जानकारी दिएको हो ।
बैंकका अनुसार आफ्नो स्वामित्वमा रहेको घरजग्गालाई जेजस्तो अवस्थामा छ, सोही अवस्थामा सिलबन्दी बोलपत्रमार्फत बिक्री गर्न लागिएको छ ।
बैंकले लिलाम गर्न लागेका जग्गाहरुमा काभ्रे, ललितपुर, सिरहा, सिन्धुपाल्चोक, पर्सा, झापा, सुनसरीलगायतका जिल्लामा रहेका जग्गा छन् ।
