शिवम् होल्डिङसले प्रिमियम मूल्यमा आईपीओ ल्याउँदै
काठमाडौं। शिवम् सिमेन्टको ८५ प्रतिशत लगानी रहेको शिवम् होल्डिङसले प्रिमियम मूल्यमा आईपीओ ल्याउने तयारी गरेको छ। शिवम् होल्डिङसले यो प्रस्ताव अनुमोदन गराउन कात्तिक २२ गते साधारण सभा बोलाएको छ ।
जारी पूँजी ५ अर्ब ८० करोड रुपैयाँको २० प्रतिशत बराबर आईपीओ ल्याउने कम्पनीको प्रस्ताव छ। १ करोड १६ लाख कित्ता आईपीओ बिक्री गर्ने तयारी गर्दा कम्पनीको चुक्ता पूँजी हाल ४ अर्ब ३६ करोड रुपैयाँ छ।
कम्पनीमा शिवम् सिमेन्टको ८५.०२६ र व्यक्तिगत लगानीकर्ताको १४.९७ प्रतिशत शेयर स्वामित्त्व छ। यो कम्पनी २०७८/७९ मा पब्लिक लिमिटेडमा रुपान्तरण भएको थियो।
