नेप्सेमा दुई कम्पनीको सेयर मूल्य समायोजन
काठमाडौँ । नेपाल स्टक एक्सचेञ्ज (नेप्से) मा दुई कम्पनीको सेयर मूल्य समायोजन भएको छ । आइतबार हिमालयन रिइन्स्योरेन्स लिमिटेड र एसियन लाइफ इन्स्योरेन्सको बोनस सेयरमा मूल्य समायोजन भएको हो ।
हिमालयन रिको ४ प्रतिशत बोनस सेयरमा मूल्य समायोजन भएको छ । आज कम्पनीको अन्तिम कारोबार मूल्य ६४५ रुपैयाँ १० पैसामा समायोजन गरिएको हो । समायोजन पश्चात कम्पनीको सेयर मूल्य ६२० रुपैयाँ २९ पैसा कायम भएको छ ।
यता, एसियन लाइफको ७.७५ प्रतिशत बोनस सेयरमा मूल्य समायोजन गरिएको हो । आजको अन्तिम कारोबार मूल्य ६६४ रुपैयाँ ६० पैसामा समायोज गरिएको हो । समायोजन पछिको मूल्य ६१६ रुपैयाँ ८० पैसा कायम भएको छ।
