सामान्य अकंले घट्यो सेयर बजार, कारोबार २ अर्ब माथि
काठमाडौँ । दुई दिन बढेको बजार पुनः ओरालो लागेको छ । लगानीकर्ताको मनोबल बलियो हुन नसक्दा बजार राताम्य भएको हो ।
केहि महिना अघि २२ सय बिन्दुमा पुगेको परिसूचक खुम्चिदै गएको छ । कारोबार रकम समेत निरन्तर घट्दो अवस्था रहेको हो ।
नेपाल स्टक एक्सचेञ्ज (नेप्से) ०.८७ अकंले घटेर २०००.७७ बिन्दुमा बन्द भएको छ । आज ३०८ कम्पनीको ५१ लाख १५ हजार कित्ता सेयर किनबेच हुँदा २ अर्ब ३ करोड १० लाख रुपैयाँको कारोबार भएको छ ।
सात परिसूचक आज राताम्य भएको छन् । बुधबार बैंकिङ समूहको ०.६८ प्रतिशत, विकास बैंक समूहको १.११ प्रतिशत र फायनान्स समूहमो ०.९६ प्रतिशतले घटेको हो ।
