नेप्सेमा मिथिला लघुवित्तको बोनस शेयर सूचीकृत
काठमाडौँ । नेपाल स्टक एक्सचेञ्ज (नेप्से) मा मिथिला लघुवित्त वित्तीय संस्था लिमिटेडको बोनस शेयर सूचीकृत भएको छ । कम्पनीको ३ लाख १९ हजार १०४.७४ कित्ता बोनस शेयर सूचीकृत भएको हो ।
कम्पनीले आर्थिक वर्ष २०८१।८२ सम्मको मुनाफाबाट सेयरधनीहरुलाई १४.२५ प्रतिशत बोनस शेयर र ०.७५ प्रतिशत नगद लाभांश गरी कुल १५ प्रतिशत लाभांश वितरण गरेको थियो । सोही बोनस सेयर नेप्सेमा सूचीकृत भएको हो ।
नेप्सेमा सूचीकृत भएसँगै उक्त बोनस शेयर मंगलबारदेखि दोस्रो बजारमा कारोबार गर्न सकिनेछ ।
