९ महिनामा सिद्धार्थ बैंकको नाफा २ अर्ब, प्रतिशेयर आम्दानीसहित कस्ता छन् अन्य सूचक ?
काठमाडौँ । सिद्धार्थ बैंकले चालु आर्थिक वर्ष २०८२।०८३ को तेस्रो त्रैमाससम्मको वित्तीय विवरण सार्वजनिक गरेको छ । विवरण अनुसार बैंकको नाफासहित अधिकांश सूचकमा सुधार देखिएको हो ।
चालु आर्थिक वर्षको ९ महिनामा बैंकले २ अर्ब १ करोड ४८ लाख रुपैयाँ नाफा आर्जन गरेको हो । उक्त नाफा गत आर्थिक वर्षको सोहि अवधिको तुलनामा २०.७८ प्रतिशतले बढी हो । गत आर्थिक वर्षको सो अवधिमा बैंकले १ अर्ब ६६ करोड ८२ लाख रुपैयाँ नाफा कमाएको थियो ।
गत आर्थिक वर्षको चैत मसान्तसम्मको अवधिमा बैंकको खुद ब्याज आम्दानी ६ अर्ब ३३ करोड ६२ लाख रुपैयाँ रहेकोमा चालु आर्थिक वर्षको सोहि अवधिमा बैंकको उक्त आम्दानी ६ अर्ब ५२ करोड ८८ लाख रुपैयाँ पुगेको हो ।
९ महिनाको अवधिमा बैंकको सञ्चालन नाफा पनि २३.४५ प्रतिशतले बढेर २ अर्ब ९४ करोड ७१ लाख रुपैयाँ रहेको छ । गत आर्थिक वर्षको सोहि अवधिमा बैंकको उक्त नाफा २ अर्ब ३८ करोड ७२ लाख रुपैयाँ रहेको थियो ।
समिक्षा अवधिमा बैंकको चुक्तापूँजी १८ अर्ब २९ करोड ३३ लाख रुपैयाँ पुगेको छ भने जगेडा कोष १५ अर्ब ३ करोड ७५ लाख रुपैयाँबाट बढेर १६ अर्ब ४३ करोड २० लाख रुपैयाँ पुगेको छ । बैंकको वितरणयोग्य नाफा १८ करोड ८४ लाख रुपैयाँबाट बढेर ८३ करोड ६९ लाख २५ हजार रुपैयाँ पुगेको छ ।
चैत मसान्तसम्मको अवधिमा बैंकको खराब कर्जा ४.०४ प्रतिशतबाट घटेर ३.७१ प्रतिशत पुगेको छ ।
यता, बैंकको प्रति शेयर आम्दानी १७.६२ रुपैयाँ र प्रतिशेयर नेटवर्थ २१६.७३ रुपैयाँ रहेको छ ।
