बीमा प्राधिकरणले भोलिदेखि अभिकर्ता परीक्षा सञ्चालन गर्दै
काठमाडौं । नेपाल बीमा प्राधिकरणले भोलि वैशाख १४ गतेदेखि १७ गतेसम्म जीवन बीमा अभिकर्ताको परीक्षा सञ्चालन गर्ने भएको छ।
बीमा ऐन, २०७९ अनुसार बीमा मध्यस्थकर्ताहरूले परीक्षा लिएर मात्र इजाजतपत्र दिने व्यवस्था भए बमोजिम जीवन बीमा अभिकर्ताको अनलाइन परीक्षा केन्द्रीय कार्यालयबाट सञ्चालन गर्न लागिएको हो।
परीक्षा वैशाख १४ गते देखि वैशाख १७ गतेसम्म (सोमबारदेखि बिहीबारसम्म) बिहान ११ बजेदेखि अपरान्ह १२ः३० बजेसम्म सञ्चालन गरिने प्राधिकरणले जानकारी दिएको छ। परीक्षामा सामेल भई उत्तीर्ण हुन सफल भएकाहरूले अभिकर्ता इजाजतपत्र प्राप्त गर्नेछन्।
