प्रभु महालक्ष्मी लाइफको अभिकर्ता प्रशिक्षण तथा व्यवसायिक योजना निर्माण कार्यक्रम सम्पन्न

बिर्तामोड । प्रभु महालक्ष्मी लाइफ इन्स्योरेन्स लिमिटेडका इलाम, बिर्तामोड, चन्द्रगढी र दमक शाखाको संयुक्त आयोजनामा अभिकर्ता प्रशिक्षण, व्यवसायिक योजना निर्माण तथा यस आर्थिक वर्षको लक्ष्य पुरा गर्न विशेष कार्यक्रम शनिबार बिर्तामोडमा भव्य रूपमा सम्पन्न भएको छ ।

कार्यक्रममा प्रभु महालक्ष्मी लाइफका केन्द्रीय प्रशिक्षण विभाग प्रमुख डा. योगेन्द्र खतिवडा प्रमुख अतिथिको रूपमा सहभागी थिए । प्रदेश प्रमुख सुदीश कुमार गुप्ताको उपस्थितिमा यस क्षेत्रका अभिकर्ताहरुलाई तालिम प्रदान गरिएका बिर्तामोड शाखा प्रमुख नानिबाबु आचार्यले बताए ।

कार्यक्रममा इलाम शाखा प्रमुख प्रवेश पराजुली, चन्द्रगढी शाखा प्रमुख गिरवान भट्टराई, दमक शाखा प्रमुख जीवा राई लगायतको उल्लेखनीय उपस्थिति रहेको थियो । डेढ सयभन्दा बढी अभिकर्ता तथा लिडर्सहरूको उत्साहजनक सहभागिता रहेको उक्त कार्यक्रममा जीवन बीमा व्यवसायको वर्तमान अवस्था, यस आर्थिक वर्षको ब्यवसाहिक लक्ष्य, व्यवसाय विस्तारका रणनीति, नेतृत्व विकास तथा ग्राहक सेवाको गुणस्तर अभिवृद्धिका विषयमा विस्तृत छलफल गरिएको थियो ।

प्रमुख अतिथि डा. खतिवडाले अभिकर्ताहरूको क्षमता अभिवृद्धि, व्यावसायीक दक्षता र ग्राहकप्रतिको जिम्मेवारीलाई अझ सुदृढ बनाउँदै कम्पनीको लक्ष्य प्राप्तिमा सक्रिय भूमिका निर्वाह गर्न निर्देशन दिएका थिए । प्रदेश प्रमुख गुप्ताले बजारको बदलिँदो आवश्यकता अनुरूप नवीन सोच र योजनाका साथ अघि बढ्न अभिकर्ताहरूलाई प्रेरित गरेका थिए ।

कार्यक्रमले यस आर्थिक वर्षका लागि स्पष्ट कार्ययोजना निर्माण गर्न तथा अभिकर्ताहरूको मनोबल उच्च बनाउन महत्वपूर्ण योगदान पुर्‍याएको सहभागीहरूले बताएका छन् । उत्साह, ऊर्जा र व्यावसायिक प्रतिबद्धताले भरिएको उक्त कार्यक्रम सभ्य र भव्य वातावरणमा सफलतापूर्वक सम्पन्न भएको कम्पनीले जनाएको छ ।