महाराजगन्जमा इभी गाडीले बितण्डा मच्चायो, आठ वटा सवारीमा ठक्कर, आधा दर्जन घाइते

काठमाडौं । विद्युतीय माध्यमबाट सञ्चालन हुने इभी माइक्रोबसले आज साँझ काठमाडौंको महाराजगन्जमा बितण्डा मच्चाएको छ । कारण खुल्न नसकेको दुर्घटनामा एक जनाको ज्यान गएको समाचार प्राप्त भएको छ भने घटनामा आधा दर्जन बढि घाइते भएका छन् । दुर्घटनामा लमजुङका रामकृष्ण अवालको मृत्यु भएको काठमाडौँ प्रहरी प्रवक्ता पवन भट्टराईले जानकारी दिए।

महानगरीय प्रहरी बृत्त महाराजगन्जले आज साँझको उक्त घटनामा करिब आधा दर्जन घाइतेलाई उद्धार गरी टिचिङ अस्पताल पठाइएको पुष्टी गरेको छ । करिब १५ जना यात्रु बोक्नसक्ने विद्युतीय सवारी साधन एक्कासी अनियन्त्रित भई सडकमा गुडिरहेका अन्य सवारी साधनहरुलाई ठक्कर दिएको थियो । घटनामा अन्य आठ वटा सवारी साधनमा क्षति पुगेको महाराजगन्ज प्रहरीले पुष्टी गरेको छ ।

घटना कसरी भयो भनेर प्रहरीले अनुसन्धान गरिरहेको बताउँदै थप विवरण पछि आउने जनाएको छ । स्रोतका अनुसार हालसम्म घाइतेको नामावली तथा गम्भिर घाइतेको अवस्था सार्वजनिक गरिएको छैन ।

पछिल्लो समय विद्युतीय सवारी साधनका कारण दुर्घटना अत्याधिक बढिरहेको छ । उक्त घटनामा तेस्रो पक्ष बीमा दावी पर्ने देखिएको छ ।

आज साँझ प्रहरीले सार्वजनिक गरेको विवरणः-