सडकमा धुलो झारेर प्रदूषण गर्ने घरधनीलाई २५ हजार रुपैयाँ जरिवाना
काठमाडौं । काठमाडौं महानगरपालिकाले सडकमा धुलो खसालेर वातावरण प्रदूषण गर्ने घरधनीलाई २५ हजार रुपैयाँ जरिवाना गरेको छ ।
महानगरपालिका वडा नं. १५ किमाडोलस्थित निर्माणाधीन आवासीय घरमा आवश्यक सावधानी नअपनाई निर्माण सामग्री ओसारपसार गर्दा सडकमा धुलो खसालेर प्रदूषण गरेको पाइएपछि महानगर प्रहरी बलले कारबाही गरेको हो ।
महानगर प्रहरीले घरधनीबाट २५ हजार रुपैयाँ जरिवाना असुल गर्नुका साथै धुलो र फोहोरले प्रदूषित भएको सडकखण्ड तत्काल सफा गर्नसमेत लगाएको जनाएको छ ।
काठमाडौं महानगरपालिकाले सडक फोहोर गर्ने, धुलो उडाउन दिने तथा वातावरण प्रदूषण हुने गतिविधि गरेको पाइएमा कारवाही गर्दै आएको छ ।
