सप्तरीमा ज्योति विकास बैंकका कर्मचारीमाथि हातपात गर्ने दुई जना पक्राउ
काठमाडौं। सप्तरीमा ज्योति विकास बैंकका कर्मचारीमाथि अभद्र व्यवहार गरेको आरोपमा दुई जना पक्राउ परेका छन्। पक्राउ पर्नेमा ५१ वर्षीय सञ्जीव चौधरी र उमाकान्त चौधरी रहेका छन्।
मंसिर २५ गते बैंकका कर्मचारीहरूले ऋणसम्बन्धी विषयमा छलफल गर्न सप्तकोशी नगरपालिका–७ स्थित एक कृषि फर्ममा पुगेका थिए। त्यहाँ उनीहरूमाथि कालोमोसो लगाई जुत्ताको माला हाल्ने, गालीगलौज गर्ने र हातपात गर्ने घटना भएको थियो।
प्रहरीले घटनामा संलग्न दुवै जनालाई नियन्त्रणमा लिएको जनाएको छ।
