सात कम्पनीको लाभांश सुरक्षित गर्ने आज अन्तिम दिन
काठमाडौं । आज पुस १४ गते नेपाल स्टक एक्सचेन्ज (नेप्से) मा सूचीकृत सात वटा कम्पनीहरूको लाभांश सुरक्षित गर्ने अन्तिम दिन रहेको छ। साधारणसभा प्रयोजनार्थ १ कम्पनीले भोलि र ६ कम्पनीले पर्सि बुक क्लोज गर्दैछन्। भोलि सार्वजनिक बिदा भएकोले आजसम्म कायम शेयरधनीले मात्रै लाभांश पाउनेछन्।
तसर्थ आज नबिल बैंकको १२.५ प्रतिशत नगद लाभांश, आइजीआई प्रुडेन्सियल इस्योरेन्सको ५ प्रतिशत नगद लाभांश, बुटवल पावर कम्पनीको ६ प्रतिशत नगद लाभांश, डिप्रोक्स लघुवित्तको १० प्रतिशत बोनस शेयर र ५ प्रतिशत नगद गरी १५ प्रतिशत लाभांश सुरक्षित गर्ने अन्तिम दिन हो।
त्यसैगरी सपोर्ट लघुवित्तको ९.५ प्रतिशत बोनस शेयर र ०.५ प्रतिशत नगद गरी कुल १० प्रतिशत लाभांश, मिथिला लघुवित्तको १४.२५ प्रतिशत बोनस शेयर र ०.७५ प्रतिशत नगद लाभांश गरी कुल १५ प्रतिशत र छिमेक लघुवित्तको १२.५ प्रतिशत बोनस शेयर १२.५० प्रतिशत बोनस शेयर र १२.५० प्रतिशत नगद गरी कुल २५ प्रतिशत लाभांश सुरक्षित गर्ने अन्तिम दिन हो।
