तारागाउँ रिजेन्सी होटल्सको नगद लाभांश शेयरधनीको खातामा
काठमाडौं । तारागाउँ रिजेन्सी होटल्स लिमिटेडको पुस २३ गते सम्पन्न २९ औं वार्षिक साधारणसभाले पारित गरेको लाभांश सम्बन्धित शेयरधनीको बैंक खातामा जम्मा भएको छ।
होटल्सले साधारणसभा तथा लाभांश वितरणका लागि पुस ७ गते बूक क्लोज गरेकाले पुस ६ गतेसम्म नेप्सेमा कायम शेयरधनीहरूका लागि होटल्सले पारित गरेको ५ प्रतिशत नगद लाभांश माघ २ गतेदेखि पठाउन थालेको हो।
होटल्सले शेयर अभौतिकीकरण नगरेको भए यथाशीघ्र गर्न र पुस ६ गतेसम्म शेयर धितो राखेर ऋण लिएको भए ऋण लिएको संस्थाबाट नो अब्जेक्सन लेटर प्राप्त भएपछि मात्रै खातामा लाभांश पठाइने जनाएको छ।
