युरोपेली बजारमा फोटोन टुनल्यान्ड जी–७ को बलियो प्रवेश, इटालीबाट ४ सय युनिटको अर्डर
काठमाण्डौ । फोटोन टुनल्यान्ड जी–७ ले इटालीमा ४ सय युनिटको अर्डर प्राप्त गर्दै अन्तर्राष्ट्रिय बजारमा अर्को महत्वपूर्ण उपलब्धि हासिल गरेको छ। नेपालमा लन्च वा उपलब्ध हुने चर्चा सुरु हुनुअघि नै टुनल्यान्ड जी–७ ले विश्व बजारमा आफ्नो विश्वसनीयता प्रमाणित गरिसकेको कम्पनीले जनाएको छ।
कडा अटोमोटिभ नियम, उच्च ग्राहक अपेक्षा र कडाइका साथ लागू गरिने गुणस्तर मापदण्डका लागि परिचित इटालीको बजारमा यस्तो सफलता प्राप्त हुनु आफैंमा ठूलो उपलब्धि भएको कम्पनीको भनाइ छ। यो उपलब्धि छोटो समयको परीक्षण वा ट्रायल इन्ट्रीका लागि मात्र नभएको उल्लेख गर्दै कम्पनीले प्रतिस्पर्धात्मक युरोपेली बजारमा टुनल्यान्ड जी–७ को डिजाइन, प्रदर्शन, सुरक्षा र समग्र विश्वसनीयताले बलियो स्वीकार्यता पाएको स्पष्ट संकेत भएको जनाएको छ।
कम्पनीका अनुसार युरोपेली ग्राहकहरूले टिकाउपन, अन्तर्राष्ट्रिय मापदण्ड अनुरूपको गुणस्तर र दीर्घकालीन प्रदर्शनलाई उच्च प्राथमिकता दिने गर्छन्, र टुनल्यान्ड जी–७ ले ती सबै अपेक्षाहरू आत्मविश्वासका साथ पूरा गरेको छ। यही विश्वस्तरमा प्रमाणित टुनल्यान्ड जी–७ अहिले नेपाली बजारमा पनि उपलब्ध रहेको कम्पनीले जनाएको छ।
नेपाली ग्राहकहरूले पनि अन्तर्राष्ट्रिय स्तरमा मान्यता प्राप्त उही मोडल पाउने बताउँदै कम्पनीले विश्वस्तरीय गुणस्तर, सुरक्षा मापदण्ड र प्रदर्शनमा कुनै सम्झौता नहुने प्रतिबद्धता व्यक्त गरेको छ। विश्व बजारमा प्राप्त सफलताको अनुभव र स्थानीय उपलब्धताको संयोजनले ग्राहक तथा सरोकारवालाबीच विश्वास अझ सुदृढ हुने कम्पनीको विश्वास छ।
