‘१५ फाइनान्समध्ये २ कम्पनीमा मात्रै लगानी सुरक्षित’
काठमाडौँ । नेपाल स्टक एक्सचेञ्ज (नेप्से) ले सूचीकृत फाइनान्स कम्पनीहरूमध्ये धितोपत्र व्यापारीहरूका लागि कारोबारयोग्य कम्पनीको नामावली सार्वजनिक गरेको छ । सार्वजनिक विवरणअनुसार नेप्सेमा सूचीकृत १५ फाइनान्स कम्पनीमध्ये हाल २ कम्पनीमा मात्रै लगानी सुरक्षित र कारोबार योग्य रहेको जनाइएको छ ।
नेप्सेका अनुसार फाइनान्स सेक्टरबाट आइसिएफसी फाइनान्स लिमिटेड र मञ्जुश्री फाइनान्स लिमिटेड मात्रै धितोपत्र व्यापारीहरूका लागि योग्य कम्पनीको सूचीमा परेका छन् । यी दुई कम्पनीले नियामक मापदण्ड पूरा गरेकाले तिनका शेयरमा लगानी अपेक्षाकृत सुरक्षित रहेको नेप्सेले स्पष्ट पारेको छ ।
अन्य फाइनान्स कम्पनीहरू भने आवश्यक मापदण्ड पूरा गर्न नसकेकाले हाल धितोपत्र व्यापारीहरूको लागि कारोबार योग्य नरहेका हुन् ।
