बुढीगण्डकीको बाढीबाट प्रभावित ४९ जनाको उद्धार
काठमाडौँ । गोरखाको बुढीगण्डकी नदीमा आएको बाढीबाट प्रभावित ४९ जनाको नेपाली सेनाले उद्धार गरेको छ।
नेपाली सेनाले आइतबार सूचना जारी गर्दै आफ्ना चारवटा हेलिकप्टर र स्थलमार्गबाट खटिएको सुरक्षा टोलीले बाढी प्रभावितको उद्धार गरेको जानकारी दिएको हो।
सेनाका अनुसार अहिले अन्य सुरक्षा निकाय तथा सम्बन्धित सरोकारवालासँग समन्वय गरी थप खोज तथा उद्धार कार्य जारी रहेको छ।
