नेपाल रिपब्लिक मिडियाको ९६ लाख बढी कित्ता शेयर नेप्सेमा सूचीकृत, आईतबार कारोबारमा आउने
![](https://www.beemapost.com/wp-content/uploads/2022/08/IPO-listed.jpg)
काठमाडौं । नेपाल स्टक एक्सचेन्ज (नेप्से)मा नेपाल रिपब्लिक मिडियाको प्रति शेयर अंकित चुक्ता मूल्य १०० को ९६ लाख ७५ हजार कित्ता साधारण शेयर सूचीकृत भएको छ । कम्पनीको शेयर भोलि (शुक्रबार) भएको कारणले अव आईतबार दोस्रो बजारमा कारोबारमा आउनेछ ।
कम्पनीले सर्वसाधारण शेयरधनीहरुमा वितरण गरिएको ४३ लाख ५३ हजार कित्ता र कम्पनीका संस्थापक शेयरधनीहरुले लगानी गरेको ५३ लाख २२ हजार कित्ता शेयर समेत गरी ९६ लाख ७५ हजार कित्ता साधारण शेयर नेप्सेमा सूचीकृत गरिएको हो ।
नेप्सेले कम्पनीको आईपीओलाई पहिलो कारोबारको लागि न्युनतम प्रतिकित्ता मूल्य ८४.४७ रुपैयाँदेखि २५३.४१ रुपैयाँसम्म ओपनिङ रेन्ज तोकेको छ ।