सोनापुर मिनरल्स्को पहिलो चरणको आईपीओ बाँडफाँड, कतिले पाए शेयर ?

२ आश्विन २०८०, मंगलवार १८:२८

काठमाडौं । सोनापुर मिनरल्स् एण्ड आयल लिमिटेडको पहिलो चरणको आईपीओ बाँडफाँड सम्पन्न भएको छ । कम्पनीको बिक्री प्रबन्धक एनआइएमबि एस क्यापिटलका अनुसार आज १ः३० बजे क्यापिटलको कार्यालय लाजिम्पाट, काठमाडौंमा बाँडफाँड कार्यक्रम सम्पन्न भएको हो ।
क्यापिटलका अनुसार कम्पनीको जारी पूँजीको ५ प्रतिशतले हुन आउने १५ लाख ३७ हजार ५२५ कित्ता शेयर पहिलो चरणको आईपीओ बाँडफाँड गरेको छ । कम्पनीको आईपीओमा साउन २९ गतेदेखि भदौ २६ गतेसम्ममा संकलन केन्द्रहरुबाट ४७,८१० कित्ता खरिदका लागि २४० जना आवेदकहरु र सि–आस्बा सदस्य बैंक तथा वित्तीय संस्थाहरु मार्फत ८६,७५० कित्ता खरिदका लागि ४१७ जना गरी जम्मा ६५७ जना आवेदकहरुबाट १३४,५६० कित्ता शेयर खरिदका लागि आवेदन प्राप्त भएकोमा १ जना आवेदकको ४० कित्ता शेयरको आवेदन रितपुर्वक नदेखिएकोले सो आवेदनलाई अयोग्य ठह¥याई रद्द गरी कूल ६५६ जना आवेदकहरुबाट प्राप्त १३४,५२० कित्ता शेयर बाँडफाँड गरेको छ ।

 

यसमा तपाइको मत

Your email address will not be published. Required fields are marked *


*