नेप्सेमा २ कम्पनीको आईपीओ सूचीकृत, ओपनिङ रेन्ज कति ?
काठमाण्डौ । नेपाल स्टक एक्सचेञ्ज (नेप्से) मा थप २ कम्पनीको आईपीओ सूचीकृत भएको छ । आज माण्डू हाइड्रोपावर लिमीटेड र हाथवे इन्भेष्टमेन्ट नेपाल लिमीटेडको सेयर कारोबारका लागि नेप्सेले सूचीकृत गरेको हो ।
नेप्सेले हाथवे इन्भेष्टमेन्टलाई दोश्रो बजारमा कारोबारका लागि न्यूनतम ९५.०९ देखि अधिकतम २८५.२७ रुपैयाँको ओपनिङ रेञ्ज प्रदान गरेको छ । कम्पनीको ५० रुपैयाँ अंकित दरका २ करोड ३४ लाख कित्ता सेयर नेप्सेले सूचीकृत गरेको हो ।
।
त्यसैगरी, नेप्सेले माण्डू हाइड्रोपावरलाई पहिलो कारोबारका लागि न्यूनतम १२४.४२ रुपैयाँदेखि ३७३.२६ रुपैयाँको रेञ्ज प्रदान गरेको छ । कम्पनीको अंकित मूल्य १ सय रुपैयाँको दरले कुल १ करोड ३६ लाख ३६ हजार ३७० कित्ता साधारण सेयर सूचीकृत भएको हो ।
दुबै कम्पनीको आईपीओ भोलि (बुधबार) देखि दोस्रो बजारमा कारोबारमा आउने भएको छ ।
