नबिल ब्यालेन्स्ड फण्ड २ ले कात्तिक १ गतेदेखि प्रतिफल वितरण गर्दै
काठमाडौं । नबिल म्युचुअल फण्ड अन्तर्गत सञ्चालित नबिल ब्यालेन्स्ड फण्ड २ ले कात्तिक १ गतेदेखि आफ्ना इकाईधनीहरुको खातामा प्रतिफल जम्मा गर्ने भएको छ ।
प्रतिफल वितरण प्रयोजनार्थ असोज २६ गते बुकक्लोज गरेको फण्डले, असोज २५ गतेसम्म नेप्सेमा कारोबार भइ कायम इकाईधनीहरुको खातामा प्रतिफल जम्मा गर्न लागेको हो ।
फण्डले गत आर्थिक वर्षका लागि वितरण गर्ने घोषणा गरेको ९.६ प्रतिशत (कर सहित) प्रतिफल हितग्राही खातामा अद्यावधिक भएको बैंक खातामा जम्मा गर्नेछ ।
हालसम्म हितग्राही खातामा बैंक खाता अद्यावधिक नगराएका इकाईधनीहरुलाई शीघ्र अद्यावधिक गराउन अनुरोध गरेको छ। हितग्राही खातामा बैंक खाता अद्यावधिक भएपछि मात्र फण्डले सो इकाईधनीहरुको खातामा प्रतिफल जम्मा गर्नेछ ।
