नेप्सेमा उत्साहजनक प्रगति, वुधबार क-कसको बढ्यो शेयरमूल्य ?
काठमाडौं । बैंक तथा वित्तीय संस्थाले मुद्दती निक्षेपको व्याजदर घटाउनु तथा ब्रोकर र सेबोन शुल्क घटाउनु साथसाथै भएपछि शेयर बजार परिसूचक नेप्सेमा उत्साहजनक प्रगति देखिएको छ ।
वुधबार नेप्से इन्डेक्स ४३.२७ अंकले बढेर १९०७.८९ विन्दुमा उक्लियो । वुधबार आशा लघुवित्त वित्तीय संस्था लिमिटेड, इन्फिनिटी लघुवित्त वित्तीय संस्था लिमिटेड र मिड सोलु हाइड्रो पावरको शेयरमूल्य सर्वाधिक बढेको छ ।
आशाको प्रतिशेयर मूल्य १० प्रतिशतले बढेर ७२६ रुपैयाँ कायम भयो भने इन्फिनिटीको ९.९७ प्रतिशतले बढेर ६८४ रुपैयाँमा कारोबार भयो । यस्तै, मिड सोलुको ९.३१ प्रतिशतले बढेर ३३३.५० रुपैयाँ कायम भयो । ज्योति विकास बैंकको शेयरमूल्यमा पनि उल्लेख्य सुधार हुँदै ३१० रुपैयाँमा कारोबार भएको छ ।
