दोहोरो अंकले घट्यो नेप्से, होटल तथा पर्यटन उपसूचकमा उछाल
काठमाडौं । साता कारोबारको अन्तिम दिन बिहीबार नेप्से दोहोरो अंकले घटेको छ । नेप्सेमा १० अंकको गिरावट आउँदा १९० कम्पनीहरुको शेयरमूल्य घटेको छ ।
आज नेप्से उपसूचक ०.५८ प्रतिशतले घटेर १८४७.७० को विन्दुमा कायम हुन पुगेकोे छ । आज ३७ लाख ४९ हजार ९५४ कित्ता किनबेच हुँदा ९६ करोड ४४ लाख ७७ हजार बराबरको कारोबार भएको छ ।
नेप्से ओरालो लाग्दा ११ उपसूचक घटेको छ भने बाँकीका दुई उपसूचक बढेका छन् । आज होटल तथा पर्यटन उपसूचक ४.२७ र उत्पादन तथा प्रशोधन उपसूचक ०.०७ प्रतिशतले बढेको हो ।
त्यस्तै, आज म्युचुअल फण्ड उपसूचक ४.६३, ट्रेडिङ उपसूचक ३.०५, हाइड्रोपावर उपसूचक १.१० र फाइनान्स उपसूचक १.०५ प्रतिशलते घटेको छ ।
