सानिमा माई हाइड्रोपावरको नाफा बढ्यो, अन्य सूचक कस्ता ?
काठमाडौं । सानिमा माई हाइड्रोपावर लिमिटेडले चालू आर्थिक वर्षको पहिलो त्रैमाससम्म ३२ करोड ९८ लाख रूपैयाँभन्दा बढीको विद्युत विक्री गरेको छ । गत वर्षको पहिलो त्रैमाससम्म ३२ करोड १७ लाख रूपैयाभन्दा बढीको विद्युत विक्री गरेको कम्पनीले यस वर्ष साढे २ प्रतिशत बढीको विद्युत विक्री गरेको हो ।
कम्पनीको खुद नाफा करिब ६ प्रतिशत बढेको छ । गत वर्ष २३ करोड २४ लाख रूपैयाँभन्दा बढी खुद नाफा गरेको कम्पनीले यस वर्ष २४ करोड ६२ लाख रूपैयाँभन्दा बढी खुद नाफा गरेको हो । गत वर्षको तुलनामा यस वर्ष कम्पनीका खुद नाफा करिब ६ प्रतिशत बढेको हो ।
यस वर्ष कम्पनीको वित्तीय खर्च साढे १९ प्रतिशत घटेको छ । गत वर्ष ३ करोड ३२ लाख रूपैयाँभन्दा बढी वित्तीय खर्च गरेको कम्पनीले यस वर्ष २ करोड ६७ लाख रूपैयाँभन्दा बढी वित्तीय खर्च गरेको हो ।
हाल कम्पनीको चुक्तापूँजी ३ अर्ब ८ करोड ९२ लाख ५१ हजार रूपैयाँ रहेको छ । रिडेन्ड अर्निग १ अर्ब ४२ करोड ४२ लाख रूपैयाँभन्दा बढी रहेको छ भने अन्ग जगेडा ५५ करोड ७९ लाख रूपैयाँभन्दा बढी छ ।
कुल दायित्व १ अर्ब ४८ करोड रूपैयाँ रहेको छ भने कुल सम्पत्ति ६ अर्ब ५५ करोड रूपैयाँभन्दा बढी रहेको छ । प्रतिशेयर आम्दानी ७ रूपैयाँ ९७ पैसा रहेको कम्पनीको प्रतिशेयर नेटवर्थ १६४ रूपैयाँ १७ पैसा छ ।
