राष्ट्र बैंकले शनिबार पनि आरटीजीएस प्रणली सुचारु गर्ने
काठमाडौं । भोलि (शनिबार) पनि रियल टाइम ग्रस सेलमेन्ट (आरटीजीएस) प्रणाली सुचारू रहने भएको छ। नेपाल राष्ट्र बैंकले एक सूचना जारी गर्दै यस्तो जानकारी दिएको हो ।
बैंकले “विकास ऋणपत्र २०७९ ’घ’“ को व्याज भुक्तानी प्रयोजनका लागि आरटीजीएस प्रणाली सुचारू रहने सूचना मार्फत जानकारी दिएको हो । भोलि बिहान १०ः३० बजेदेखि ११ः३० बजेसम्म आरटीजीएस प्रणाली खुल्ला रहने राष्ट्र बैंकले जनाएको छ।
