कुमारी बैंकको ७८ हजार कित्ता शेयर सर्वसाधारणका लागि बिक्रीमा

२० आश्विन २०८३, मंगलवार ०९:२६

काठमाडौँ । कुमारी बैंक लिमिटेडले संस्थापक शेयर बिक्रीमा ल्याएको छ । बैंकले संस्थापक समूहको ७८ हजार ६७७ कित्ता संस्थापक शेयर बिक्रीका लागि सर्वसाधारणबाट आवेदन माग गरेको हो ।

बैंकका विभिन्न संस्थापक शेयरधनीहरूले आफ्नो नाममा कायम रहेको उक्त संस्थापक शेयर बिक्री गर्न इच्छुक भई बैंकसमक्ष निवेदन दिएका थिए। नेपाल राष्ट्र बैंकबाट जारी निर्देशनबमोजिम संस्थापक शेयर बिक्री गर्दा पहिलो हक विद्यमान संस्थापक शेयरधनीमा रहने व्यवस्था छ।

सोहीअनुसार उक्त शेयर खरिदका लागि विद्यमान संस्थापक शेयरधनीहरूका लागि सूचना प्रकाशित गरिएकोमा कुनै पनि आवेदन नपरेपछि संस्थापकभन्दा बाहिरका सर्वसाधारणबाट शेयर खरिदका लागि आवेदन माग गरिएको बैंकले जनाएको छ।

इच्छुक सर्वसाधारणले सूचना प्रकाशित भएको मितिले ३५ दिनभित्र आवेदन दिनुपर्नेछ। आवेदन बैंकको शेयर रजिष्ट्रार कुमारी क्यापिटल लिमिटेड, काठमाडौं–१, नक्साल, नागपोखरी वा कुमारी बैंक लिमिटेडको प्रधान कार्यालय, काठमाडौं–२, टंगालमा पुग्ने गरी दिनुपर्नेछ।

 

पाठक प्रतिक्रिया :

Your email address will not be published. Required fields are marked *


*